Дэд хөтөлбөрийн гол зорилго нь сурагчид үндсэн хичээлийн хөтөлбөрт тусгагдаагүй бусад мэдлэг, ур чадвар буюу харилцаа, цагийн менежмент, бүтээлч сэтгэлгээ, стресс, хувийн санхүүгийн менежмент, мэргэжил сонголт, сэтгэцийн эрүүл мэнд, оновчтой төлөвлөлт зэрэг шинэ ур чадварыг видео хэлбэрээр болон мэргэжлийн сургагч багшийн тусламжтайгаар олж авна. Эдгээр ур чадварт системтэй суралцсанаар сурагчид ирээдүйн мэргэжлээ зөв сонгох, зорилготой амьдрах, амжилттай ажиллах эх суурь нь тавигдах юм. Хичээлээс гадуурх сургалтуудыг мэргэшсэн эрдэмтэн, судлаач нар бэлтгэж шинэлэг заах арга барилаар сурагчдад хүргэнэ.

Ахлах ангийн сурагчид сургууль болон хүрээлэн буй орчинд тулгамдаад буй экологи, эдийн засаг, нийгмийн асуудлуудыг тодорхойлж шийдвэрлэх, түүнд өөрсдийн хувь нэмрийг оруулах зорилгоор бичил төсөл санаачлан боловруулж, шинэлэг арга замаар хэрэгжүүлэх боломжтой. Монгол улсад тогтвортой хөгжлийн зорилтуудыг амжилттай хэрэгжүүлэхэд бичил төслийн хэрэгжилтээр дамжуулан залуусын оролцоог нэмэгдүүлэх бүрэн боломжтой гэж үзэж байна. Хөтөлбөрт хамрагдсан 6 сургуулиас нийт 18 бичил төслийг хүлээн авч хэрэгжүүлнэ.

Дэд хөтөлбөрийн зорилго нь 9-12 дугаар ангийн сурагчид хөтөлбөрийн оролцогч талууд болох тусгай хамгаалалттай газрын хамгаалалтын захиргаа, аялал жуулчлалын чиглэлээр үйл ажиллагаа эрхлэгчид болон бусад байгууллагууд дээр тодорхой чиглэлийн дагуу богино хугацааны дадлага хийж төрөл бүрийн ажил мэргэжлийн онцлогийн талаар ойлголт авснаар ирээдүйн мэргэжлээ зөв сонгох боломжтой болно. Дадлага хийснээр сурагчдын хувийн зан чанарын төлөвшил, бие даан болон багаар ажиллах, шийдвэр гаргах, аливаа ажлыг төлөвлөх, зохион байгуулах, ажил гүйцэтгэх ур чадварууд нэмэгдэнэ. Түүнчлэн тухайн байгууллагын үйл ажиллагаа хэрхэн явагддаг, мэргэжлийн ёс зүй гэж юу болох, түүнийг өөртөө хэрхэн төлөвшүүлэх, бусадтай харилцах,бусдаас суралцах, өөрийн давуу хийгээд сул талаа таньж мэдэх боломжийг энэхүү дэд хөтөлбөрөөр олж авна.

YSC хөтөлбөрт оролцож буй залууст мэргэжил сонголт болон бичил төсөл удирдахад заавар зөвлөгөө өгөх боломжтой салбартаа амжилттай ажиллаж буй хүчирхэг баг.

9-12 дугаар ангийн сурагчдын байгаль хамгаалал, манлайлах ур чадварыг хөгжүүлэх, гадаад хэлний мэдлэгийг дээшлүүлэх зуны зуслан нь 10 хоногийн хугацаанд явагдах ба Ховд, Хөвсгөл, Өмнөговь, Нийслэлийн хүүхдүүд хоорондоо танилцах, нөхөрлөх, туршлага мэдээлэл солилцох боломжийг бүрдүүлж буйгаараа онцлогтой. Сурагчид байгаль орчин, тогтвортой хөгжлийн зорилтуудын талаар шинэ мэдлэг олж авах, амьдарч буй хот, сум орон нутаг, сургуулийн орчинд тулгамдаж буй асуудлыг оновчтой тодорхойлж түүнийг багаараа хамтран зөв шийдэлд хүрэх арга зүйд суралцах юм. Шинэлэг аргаар боловсруулсан зуслангийн хөтөлбөрөөр сурагчид өөрсдийн хүсэл эрмэлзэл, ур чадвараа нээн илрүүлж, харилцааны олон аргад мөн суралцана.

Багш нарыг чадавхжуулах сургалтууд зохион байгуулагдаж байна. Интеграци хичээлийн арга зүй, Бүтээлч сэтгэлгээг хөгжүүлэх болон Сайн сайхан зан чанарыг дээшлүүлэх сургалтууд зохион байгуулагдсан байна.

Хөтөлбөрийн бүхий л үйл ажиллагаанд санал санаачлагатай, идэвхтэй зүтгэлтэй оролцсон, өөрчлөлтийг бий болгож чадсан сурагчдаас энэхүү дэд хөтөлбөрт хамрагдах боломжтой. Европын Холбооны улсад долоо хоногийн хугацаатай зусланд хамрагдсанаар орон орны хүүхдүүдээс суралцах, туршлага мэдлэг, арга барилаа харилцан солилцох боломжуудыг олж авна.